العفريت رقم 60

ثورة ال25ين
إصحى فوقى يابلد
بزيادة كفاية نوم
عشت طول عمرى
أنا من حبك محروم
ليه بيلومنى فى حبك
وعايزينه يخلوه عندى
فرض زى الصلاة والصوم
حبك عندى شىء مذموم
يابلد أمة تامر ومهند
بعد ما كنتى بلد أمة محمد
سألونى الناس وقالولى
أيه رأيك فى ثورة ال25ين
قولتلهم كانت ثورة المنكشين
بعدماخلصت البلد من الظلم
أصحابها بقوا ظالمين
قالوا لا للغش والكذب
والرشوة والناس السلبين
ولاجل إعمار البلد بعد الثورة
هنساهم فى أصلاحها
عارفين أزاى !!!
هننزل للشوارع كناسين
ونكمل مثيرة الثورة
بنزولنا الشوارع يوم الجمعة
نصلى هناك وبعدين
بأغانى مصر مغنيين
اّه ياشوية شباب تافهين
اّه ياشوية شباب سيس
ثورتكم أخرتها دردشة الفيس
هى الثورة بالغنا ولا الكنيس
وبعد شوية من الثورة
لقينا الفيران طالعين
إحنا معاكم من أول يوم مؤيدين
اّه ياشوية منافقين وغشاشيين
طيب كنتوا فين قولولى
لما الأمن كان بيضرب المتظاهرين
عمر الثورة لما تظلم تبقى ثورة
دى عاملة زى الست
اللى جوزها جاب ليها درة
ولو مش مصدقين كلامى
شوفوا الغرب أزاى بيضحك عليكم
أصل الغرب فهم اللعبة وأنتوا مفهمتوش
مفهمتوش يعنى أيه ثورة
عشان تعملوا بيها
ومفهمتوش إن بلادى حرة
ولو كان الظالم حاكم ليها
عرفتوا مين بقى اللى كان غشيم
ومين اللى اّخرته يأكل دهب
ومين اللى أخرته يأكل برسيم
سامحينى يابلد مش قادر أحبك
ومش قادر أكرهك
لكن هفضل عمرى كله
أحارب اللى بيعاديكى وبيكرهك
عشان كده هحاول أحبك
لكن كد ما أكرهك