العفريت رقم 60

غرق اللى غرقان أكتر

نفسك تولع فى نفسك
وفى مرتك وراها ابنك
ياحبيبى يلا ولع ولايهمك
مدام هتنسى اسمك وهمك
لو كنت موظف ولابتاع بقدونس
اسمك حسين ولا اسمك بولس
ولع يس أعرف حاجة يهمك
أنك فى مصر مش فى تونس
وأنا ياحبيبى لوعليا
أدى الولاعة أهية
غرق اللى غرقان أكتر
بس أنا لو منك هفكر
عند التحرير هتولع أكتر
والاعلام كله راح يصور
وصورتك وأنت مولع هتنور
وكل اللى هيعملهولك
هيقولوا ياحبيبى اللى بعدك تشكر
ولوعاوز تشتهر أكتر
بدل متولع فى نفسك
لم شوية شباب سيس
من التويتر أو الفيس
وفى التحرير أقف وزمجر
ولو حد سألكم أنتوا تبع مين
قولوا أحنا تبع الثورة
بس صحينا من النوم متأخر
أو أجر شوية بلطجية
وأقطع السكة الحديدية
ولو حد كلمك وأقالك
بتعمل ليه كده
قولوا إحنا لينا مطالب فئوية
ماخلاص خلصت يابلدى
من كتر ما تطلعتى روحى
روحى بقت تحت عنيا
وبعد ما سرقونا الحرامية
أيه يضمنلى ميجيش وراهم حرامية
ويبقى لأهبل وعبيط اللى يفكر
أن حاجة أتبنت على الغلط
للأحسن ممكن تتغيير
وبعد مرضنا فقرنا وجوعنا
مش باقى لينا إلا الصبر
وعشان إيمانا بربنا قل
يبقى باقى لينا أيه
غير إن إحنا نكفر
فمتطلبوش من الشعب
أنه يسكت ويهدى
وكأن مفيش حاجة حصلت
وعاوزينه بعد الجوع والفقر
أنه ينام بدرى وعن شغله
فى الصبح ياريت ما يتأخر

العفريت رقم 60

Theghost60@live.com

https://al7lmalmst7il.7olm.org/