مشهد أفقى من ميدان التحرير

مشهد أفقى من ميدان التحرير


لما دخلت الميدان
لقيت كل شئ جنان
واحد بينط
والتانى بيفط
والتالت فاكر نفسه كلب
وبيجرى ورا قط
دى أكيد مش ثورة شعب
دى ثورة عبط
ده بيخطب
وده عامل أضراب
وده بيعتصم
عشان معهوش تمن جزمة وشراب
وده مراّته طارت وراه
وده بيشتم اللى جنبه
وده بيتف على اللى وراه
واللى يقول بلاش محاكمات عسكرية
واللى يقول نشيل وزارة الداخلية
وعاوز الأنتخابات فى قائمة نسبية
والعجيبة والأغرب
واللى خلانى بجد استغرب
كل واحد بيتهم التانى
أنت سلفى وأنت أخوانى
وأنت ملحد وعلمانى
وكل واحد ضد التانى
واكتشفت لما خرجت من الميدان
أنا الناس دى عقلها تعبان