اللون الأسود

محمود طلعت

اللون الأسود

وأنا قاعد مع واحد مجنون
قاللى شوية كلام موزون
اتكلم وقال أشعار
كلمنى وقاللى
أنا لما قلت أبقى فار
لقيت القط ورايا طار
ولما قلت طب ابقى قط
لقيت الكلب ورايا بينط
قلت طب ابقى كلب
بس لما اخلف عيالى
هيبقوا ولاد كلب
لاياعم بلاش غلب
خلاص أنا عرفت
أنا هابقى أسد
وملك لكل الأسود
طــــــــــب إزاى !
وأنا قاعد فى غابة القرود
ضحكوا الناس عليا
وقالوللى يعنى متنفعش
قولتلهم هو فى إنسان
يرضى بكرامته جوه بلده
وبراها تتهـــــــــــــــان
سيظل اللون الأسود
يحكمك يابلدى لعهود
وشبابك يكمل تعليمه
ليجد الطريق أمامه مسدود
فإما الواسطة لوظيفة
أو الهروب عبر البحر
فيكون الموت عليه هو المكتوب
ولو ربنا فتح عليه
يروح أى بلد عربى
والكفيل يطلع عينيه
وياراجع فلسان
أو فى السجن تلاقيه
يابلد ‘حنا مبقناش عارفين
إحنا المغضوب عليهم
ولاإحنا من الضالين
مطفحانة الكوتة وبردوا ساكتين
حتى الثورة اللى قلنا هتنصفنا
شالت ظالم وحطت بداله اتنين
بتعملى كده ليه فينا
هو إحنا مش ولادك
ولا نكنشى ولاد حرام
فى الشوارع لقــتـيـنا
بس العيب مش عليكى
إحنا اللى غلطانين
عشان حبناكى وعشقنا عذابك
ولهتنا عولمتنا وقلنا أحبابك
كلمة بقولها ومش خايف
حبى ليكى شىء زايف
وهمونا بالإنتماء
وقالولنا طعمه حلو دوقوه
هتلاقوه أحلى من القطايف
ونسونا حبنا لدينا
وأدولنا بداله شىء هايف
ولوحد فينا اهتم بدينه
يخلصوا عليه من غير مايكون
لاحد سامع ولاحد شايف
هتسألونى مين دول
اللى عملوا كده
هقولكم ولاد عمنا
أنا بقولها ومنيهم مش خايف
كلمة يابلد هقولهالك
ويبقى خلص كلامى معاكى
سيظل اللون الأسود يحكمك يابلدى
وسأظل منتظراً طلوع الفجر
وسأدعو ربى ليخرج قائدا
بفضل الله يصنع لنا النصر
وسأجاهد فى حبى لدينى
يمكن فى يوم
أقدر أحبك يا مصر